يوميات محشش

يوميات محشش8 صباحارن المنبة وانا تعبان مش قادر اقوم اروح الشغل اصل سهرت مع صحابى وضحكنا وكانت سهرة جميلة بس انا مش قادر اقوم انا مرهق بلاها شغل انهاردة يعنى انا شغال بقالى 9 سنين كسبت ايه او ايه اتغير فى حيانى طبعا مفيش انهاردة زى اول يوم اتعينت فيه نفس المكان نفس العمل ولا فى تقدم ولا تاخر محلك واسترح وبعدين انا مش بعمل حاجه قاعد وبس من 8 الصبح لحد 4 العصر وقت ملل وخانقة المهم خلينى نايم وبلاها شغل انهاردة بصراحه بصراحه اصل اصحابى امبارح كانو بيشربوا حشيش ماهى بقت موضه مهندسين وداكترة وضباط شرطة وكله بيشرب بس انا مش بشرب بس اتسطلت على الريحه اصل دماغى خفيفه وشكلها بايته معايه من امبارح لسه حاسس انى راسى منملة ورجلى بردو وعنية بتروح شمال ويمين ومش عارف اوقف نن عينى واركز فى حاجه بس انا مبسوط ومش رايح الشغل هبوظ دماغى ليه انا دماغى حلوة بلاها شغل انهاردة ونام الساعه 1 بعد الظهرياااااااااه جسمى متكسر هقوم اكل واشغل الكمبوتر واتبعت فى النت اصلها ما فصلتش الصنف كان جامد لالالالا انا هكسر دماغى فى اكل وتحضيرة انا هغير ريقى باى حاجه على الماشى وفنجان قهوة بعدها يبدء فى تشغيل الدماغ اللى عملتها امبارح وكله على الريحه حتى القهوة... بيقولوا ان الحشيش ملهوش اضرار صحية بالعكس دة بنشط الدورة الدمويه وكانوا اجدادنا بيشربوه علاج للامراض ده الدكتور اللى بيقول كدة اللى كان سهران معايه امبارح والمهندس بيقول انه بيخلى الواحد يبتكر ويخترع حاجات لو فايق مش هيعملها والضابط بيقول انه متاح فى السوبر مركت تلاقيه عند اى ناصيه بس فى منه مضروب بس الصنف دة كان حيازة فى قضيه كان فرش حشيش عملت القضيه بنص فرش واخدت النص التانى والمهندس مش بيكلم كان بيحسب النص فرش يكفينا كام يوم وانا قاعد مش مركز حاسس ان ودانى سخنت ومش عارف ادخل الحوار مش مهم كدة كويس......انا هشغل فيلم على الجهاز واتفرج عليه فيلم اكشن الفيلم جميل الامريكان بينقذوا العالم الله يحرق الروس بيعملوا قنابل نوويه وهيدمروا العالم بس الحمد لله البطل الامريكى انقذنا احمدك يا رب بس انا مستغرب اصل الروس عمرهم ما ضربوا حد نووى انما الامريكان ضربوا الناس بالنووى ما علينا اهو فيلم وخلاص اهو الفيلم دة عامل زى حياتى بالظبط مافهوش حاجه حقيقى كله تمثيل خلص الفيلم وما فهمتش حاجه اصل انا مكييف ......الساعه 8 مساءرن التليفون مبيل حديث بيجيب الصورة مع الرقم والاسم n 73 الله ! دة الدكتور بيتصل الووو ايوة يا دكتور مش سامعك يادى الشبكة اللى بيتقطع ايوة ايوة كدة سامعك ايه هنخرج نتمشى انهاردة كلنا وبقيت الرجاله جايين كلمتهم طب كويس وهنسهر فين فى الكفتريا اللى فيها الشيشه عشان نشيش ماشى اتفقنا اشوفك بالليل اقوم اخد دش والبس البنطلون الجينس والتى شرت الاحمر عشان انا اهلاوى والاهلى بطل الدورى هو بيخنقنى عشان كل شوية يترفع ويبين جسمى من تحت الظهر بس عشان الاهلى هلبس الاحمر الساعه 10 مساءالكفتريا زحمه شباب من الجنسيين والبنات بتشيش والشباب بيقلم الظوافر اهو حال متشقلب زى الدنيا المتشقلبه وفى مثل بيقول اتشقلطى ياللى الشقلطة مش ليكى انتى اتخلقتى للشقلطة والشقلطة اتخلقت ليكى ايه الاخبار يا شباب..تمامتمامفل يا مان معنبة وموزة كمان قشطات عليكم ده انا .... بيقولوا اوباما مسك الحكم وبيقول هيفتح صفحة جديدة مع المسلمين والشرق الاوسط الدكتور.... ربنا يستر اصل الصفحة الجديدة دى هتتملى ازاى البية الظابط ... ممكن بضرب السودان او ايران ده انا .... الحمد لله اننا دولة معتدلةالمهندس... تقصد اننا بلد ....... الدكتور.... عيب اللفظ يا جماعة بس احنا فعلا دولة معتدلة بس احنا حظنا زفت شوية الدكتور.... فاكر يا باش مهندس الواد محمد اللى كان معانه الثانوية اهو هناك اهومش هو كان من الاوائل فى الثانوية المهندس... . اه هو هو مربى دقنه كدة ليه المهندس.... مش عارف انا ماشفتهوش من ساعه الثانويه.فين ده يا باش مهندش فين دة يا بيه.. اهو اللى هناك دة بيلعب طاولة .اها هو دة اللى لابس اسمر .ايوة.دة يا عم عندنا فى الحتة واقف فى كفتريا اللى بصطبح عليها قبل ما اروح الشغل .يا نهار مش معقول دة كان انسان متفوق ومحترم بس كان والدة على قد الحال .شوفت عملت فينا ايه البلد .انا والبية شغالين يا عم وحالتنا ميه ميه. اهو كله بالواسطة ............ماهى دولة رجال الاعمال لازم تكون كدةالعيال دول صعبانين عليه قوى مش لاقين شغل الدكتور بيشتغل فى المستشفى العام وبياخد 500 جنية ويادوب يجيبوا نص الفرش الحشيش ربنا يخلي البية هو اللى بيقوم بالمهمه دى وبلاش وفر علينا كتير ويا حرام المهندس صرف دم قلبه على التعليم ومش لاقى شغل كل ما يروح فى حته يطلع مقاول يطلع عينه اصل المقال ولا بيعرف يقرى او يكتب وعجبى ......الساعه 11 مساءيله يا رجاله نروح الموكنة بتاعتنا شقة المهندس اصلها فاضية والده وولدته مسافرين والشقة فاضية بس لازم نجيب لزوم القاعدة الاول نجيب عشا احنا جوعنا وشوية مشروبات. غازية بس اوعوا تفهموا غلط احنا بتوع حشيش وبس انا هروح معاهم اصل الحوار عجبنى والدماغ دماغى ايه اللى خلاها دماغى مش عارف بس الحشيش حلو احسن ما افكر فى المشاكل وان سنى كبر ولسه مش عارف اتجوز انا عايز اتجوز بس اعمل ايه الجنية مربوط باستك كل لما اجى اشدة يرجع تانى عزيز قوى الجنية لما تكون عايزة ورخيص قوى لما تكون هتصرفة روحنا بيت الباش مهندس واتعاملنا بالكنشة وكوبيات وفى كمان الكيس وما ادراك بالكيس تاخد النفس وترمية فى الكيس وتدخل الكيس وتقفل على الدخان عشان ده دخان غالى قوى الواحد منهم يخرج من الكيس احمر على ازرق بس انا مش هشرب كدة اصل انا لسه حشاش صغير هلف سجارة اشربها وخلاص واكرتلها بالكرتون بدل الفلتر وضحكنا وانبسطنا بس نفسى اعرف كنت بضحك على ايه مش عارف ههههههههههالساعه 2 صباحا انا كدة اتاخرت يا جماعه وانا ماروحتش الشغل انهاردة ولازم اروح بكرة عشان اجازاتى فنشت قالوا ربنا معاك يا بطل بس ابقى خلى بالك من السلم وانت نازل وضحكوا قوى وانا ضحكت قوى والظابط كان بيخبط دماغوا فى الارض من الضحك ليه مش عارف بس انا ضحكت انا كمان ونزلت وفعلا عرفت هو قالى خلى بالك من السلم ليه هو مين اللى قالى مش عارف المهم حسيت ان السلم مشوار برسم ليه خطط هنزل ازاى وهعمل ايه يااااااااااااااااه حسيت انى كنت بطئ قوى بس الحمد لله كان مشوار بس تم بحمد الله طبعا السلم كل دة فى السلم امال لحد ما اروح البيت هيحصل ايه المهم انا اصلا مش من المدينة انا ريفى ولازم اخد توك توك احنا بالليل وحوادث التوك توك كتير وانا بايظ انا بقه هاخد ملامح التوك توك وشكل السواق اهو امان وخلينى ناصح بس التوك توك مش مرخص وبعدين دة عيل صغير قوى اللى سايق طب كويس اهو مفيش خوف منه ركبت التوك توك واول ما اتحرك والهوا ضرب فى وشى حسيت انى طاير زى ليوناردو فى فيلم تيتنك ودماغى لفت اكتر وبصراحه نفسى اغمض وافتح القانى فى البيت بس الواد الصغير دة السواق يعنى يا ترى عارف انى مسطول ولا لاء مش مهم المهم انى امسك نفسى لحد ما اروح واول ما اروح انام على طول اها وصلت اهو اصل الطريق بتاع البلد متكسر وحسيت بيه بس مش شايفه اصل انا معمى الطريق دة استحمل كتير لسه مرصوف من شهر كسروه عشان المجارى وقبل كدة اترصف فى الانتخابات العضو بتاعنا رصفه دعاية انتخابات وكسروة تانى والله صعبان عليه الطريق اهو اخيرا دلوقتى بيجهزوه عشان يترصف مع ان الغاز هيدخل كمان شهرين تلاته حرام والله الطريق مش سيبينه فى حاله الود ود الطريق يجى يحشش معانا ..... وعجبىدخلت البيت ونمت عشان اصحى الصبح للشغل اللى هو مش شغل بس الحمد لله انى لقيت شغل ابن عمى راجل معارفه كتير وجعله ربنا سبب انى اشتغل احسن من اللى مش لاقيين عمتا هو دة كان يومى وكل يوم دة يومى .... وعجبى